പണം, നിക്ഷേപം: സാമ്പത്തിക ഭാവിക്കായി

വാട്സ്ആപ്പ് ഇന്ത്യയിൽ പുതിയ ബിൽ പേയ്‌മെന്റ്സ് ഫീച്ചർ അവതരിപ്പിച്ചു. ഭാരത് കണക്ട് ശൃംഖല ഉപയോഗിച്ച് വൈദ്യുതി, ഗ്യാസ്, ഇൻഷുറൻസ് തുടങ്ങി 30 വിഭാഗങ്ങളിലെ ബില്ലുകൾ ആപ്പിൽ നിന്ന് നേരിട്ട് അടയ്ക്കാം. യുപിഐ, ഡെബിറ്റ്/ക്രെഡിറ്റ് കാർഡ് എന്നിവ ഉപയോഗിച്ച് പണമടയ്ക്കാൻ സാധിക്കുന്ന ഈ സേവനം ഘട്ടംഘട്ടമായി ഉപയോക്താക്കൾക്ക് ലഭ്യമാകും.

ഏപ്രില്‍-ജൂണ്‍ പാദത്തില്‍ ഇന്ത്യ 7.8% ജിഡിപി വളര്‍ച്ച നേടിയെന്ന സര്‍ക്കാര്‍ കണക്കുകള്‍ വലിയ ചര്‍ച്ചകള്‍ക്ക് വഴിവെച്ചിരിക്കുകയാണ്. എന്നാൽ, യഥാര്‍ത്ഥ വളര്‍ച്ച 2.6% മാത്രമാണെന്നും കണക്കുകളില്‍ കൃത്രിമം നടന്നുവെന്നും ആരോപിച്ച് പ്രതിപക്ഷം രംഗത്ത് വന്നിരിക്കുകയാണ്.

അമേരിക്കയിൽ ഡൊണാൾഡ് ട്രംപിന്റെ മുഖം ആലേഖനം ചെയ്ത പുതിയ നാണയം തരംഗമാവുന്നു. ഒരു നൂറ്റാണ്ടിന് ശേഷം ജീവിച്ചിരിക്കുന്ന ഒരു പ്രസിഡന്റിന്റെ ചിത്രം നാണയത്തിൽ വരുന്നത് ഇതാദ്യമായാണ്. നിയമപരമായ തടസങ്ങൾ മറികടന്ന് പുറത്തിറക്കിയ ഈ സ്പെഷ്യൽ എഡിഷൻ നാണയങ്ങൾ മണിക്കൂറുകൾക്കകം വിറ്റുതീർന്നു.

വായ്പ, ചിട്ടി കുടിശ്ശിക വരുത്തിയവർക്കായി ഒറ്റത്തവണ തീർപ്പാക്കൽ പദ്ധതി പ്രഖ്യാപിച്ച് കെഎസ്എഫ്ഇ. 'വിമുക്തി 26' എന്ന് പേരിട്ടിരിക്കുന്ന പദ്ധതി സെപ്റ്റംബർ 7 മുതൽ ആരംഭിക്കും. ഈ പദ്ധതി പ്രകാരം കുടിശ്ശികയുള്ളവർക്ക് പലിശയിൽ 60% വരെ ഇളവ് ലഭിക്കുന്നതാണ്.

സംസ്ഥാനത്ത് സ്വർണ വിലയിൽ ഇന്നും വലിയ വർധനവ് രേഖപ്പെടുത്തി. ഒരു പവൻ സ്വർണത്തിന് 960 രൂപ വർധിച്ച് 1,14,880 രൂപയായി. ആഗോള വിപണിയിലെ മാറ്റങ്ങളാണ് സംസ്ഥാനത്തെ സ്വർണ വിലയിലും പ്രതിഫലിക്കുന്നത്.

പുതിയ പാർക്കിംഗ് നയം അവതരിപ്പിച്ച് ഗ്രേറ്റർ ബെംഗളൂരു അതോറിറ്റി. വീടിന് മുന്നിൽ വാഹനം പാർക്ക് ചെയ്യുന്നതിന് വാർഷിക ഫീസ് ഈടാക്കും. ഗതാഗതക്കുരുക്ക് കുറയ്ക്കുന്നതിനായി അന്തർ സംസ്ഥാന സ്വകാര്യ ബസുകൾക്ക് നഗരത്തിൽ പ്രവേശിക്കുന്നതിനും സർവീസ് നടത്തുന്നതിനും സമയ നിയന്ത്രണം ഏർപ്പെടുത്തി.

ഹൈസ്കൂളിന് മുൻപുള്ള വിദ്യാർത്ഥികളിൽ ആർട്ടിഫിഷ്യൽ ഇന്റലിജൻസ് ഉപയോഗിക്കുന്നതിന് കർശന നിയന്ത്രണം ഏർപ്പെടുത്തി അമേരിക്കയിലെ ഏറ്റവും വലിയ സ്കൂൾ ശൃംഖലയായ ന്യൂയോർക്ക് സിറ്റി. കുട്ടികളുടെ വിദ്യാഭ്യാസ നിലവാരം സംരക്ഷിക്കുന്നതിനും മാനസികാരോഗ്യം ഉറപ്പാക്കുന്നതിനും ലക്ഷ്യമിട്ടാണ് ഈ തീരുമാനം.

ബ്രോഷറുകളിലും പ്ലാനുകളിലും നല്‍കുന്ന വാഗ്ദാനങ്ങള്‍ വെറും മാര്‍ക്കറ്റിംഗ് തന്ത്രമല്ലെന്നും അത് നിര്‍മ്മിച്ച് നല്‍കാന്‍ നിര്‍മ്മാതാക്കള്‍ക്ക് ബാധ്യതയുണ്ടെന്നും സുപ്രീം കോടതി. ഗുരുഗ്രാമിലെ ഡിഎല്‍എഫ് ഹോം ഡെവലപ്പേഴ്‌സിന്റെ പ്രോജക്റ്റുമായി ബന്ധപ്പെട്ട കേസില്‍, വാഗ്ദാനം ചെയ്ത സൗകര്യങ്ങൾ നൽകാത്തതിനെതിരെ കോടതി കടുത്ത നിലപാടെടുത്തു.

ആഗോളതലത്തിൽ 3300 ജീവനക്കാരെ പിരിച്ചുവിടാനൊരുങ്ങി ഓൺലൈൻ ടാക്സി ഭീമനായ ഊബർ. ചെലവ് ചുരുക്കലും ഘടനാപരമായ മാറ്റങ്ങളും ലക്ഷ്യമിട്ടുള്ള ഈ നീക്കത്തിലൂടെ ലാഭിക്കുന്ന പണം, ആർട്ടിഫിഷ്യൽ ഇന്റലിജൻസ്, റോബോട്ടാക്സി തുടങ്ങിയ പുതിയ സാങ്കേതികവിദ്യകളിൽ നിക്ഷേപിക്കാനാണ് കമ്പനി പദ്ധതിയിടുന്നത്.

എയർ ഇന്ത്യയുടെ നഷ്ടം ഇരട്ടിച്ചതിനെ തുടർന്ന് 10,000 കോടി രൂപ കൂടി നിക്ഷേപിക്കാൻ ഒരുങ്ങി ടാറ്റ ഗ്രൂപ്പ്. 2021-ൽ എയർലൈൻ ഏറ്റെടുത്തതിന് ശേഷമുള്ള ഏറ്റവും വലിയ സാമ്പത്തിക സഹായമാണിത്. ടാറ്റ സൺസിനൊപ്പം സിംഗപ്പൂർ എയർലൈൻസിനും എയർ ഇന്ത്യയിൽ ഓഹരി പങ്കാളിത്തമുണ്ട്.