കമ്പനി വാർത്തകൾ: ബിസിനസ് ലോകത്തെ വിശേഷങ്ങൾ

ഉല്‍പ്പന്നങ്ങളില്‍ '100 ശതമാനം' എന്ന ലേബല്‍ ഉപയോഗിക്കുന്നത് വിലക്കിയ ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ്‌സ് അതോറിറ്റി ഓഫ് ഇന്ത്യയുടെ (FSSAI) നടപടിക്കെതിരെ ഡാബര്‍. ഈ വിലക്ക് കാരണം 150 കോടിയുടെ ഉല്‍പ്പന്നങ്ങള്‍ നശിക്കാന്‍ സാധ്യതയുണ്ടെന്നും, ഇത് എതിരാളികളെ സഹായിക്കാനാണെന്നും ഡാബര്‍ ആരോപിക്കുന്നു.

രാജ്യത്തെ വ്യോമയാന രംഗത്ത് അടുത്ത 10 വർഷത്തിനുള്ളിൽ 50,000 കോടി രൂപയിലധികം അടിസ്ഥാന സൗകര്യ നിക്ഷേപമാണ് പ്രതീക്ഷിക്കപ്പെടുന്നത്

ദക്ഷിണ കൊറിയന്‍, ചൈനീസ് ടിവി ബ്രാൻഡുകളുടെ വില കുറഞ്ഞ മത്സരത്തിൽ നിന്നും മാറി, മികച്ച സാങ്കേതികവിദ്യയിൽ ശ്രദ്ധ കേന്ദ്രീകരിക്കാൻ സോണി. പ്രീമിയം ടിവി വിഭാഗത്തിൽ ശ്രദ്ധയൂന്നുന്ന സോണി, അടുത്ത 5-10 വർഷത്തിനുള്ളിൽ ഇന്ത്യയെ തങ്ങളുടെ ഏറ്റവും വലിയ 'ബ്രാവിയ' വിപണിയാക്കി മാറ്റാൻ ലക്ഷ്യമിടുന്നു.

ഓണക്കാലത്ത് പുത്തൻ ഓഫറുകൾ അവതരിപ്പിച്ച് ലുലു കണക്ട്.വിലക്കിഴിവ്, എക്സ്ചേഞ്ച് ഓഫറുകൾ, ഡിജിറ്റൽ സദ്യ തുടറങ്ങിയവയാണ് ഉപഭോക്താക്കളെ കാത്തിരിക്കുന്നത്. സ്മാർട്ട്ഫോണുകൾ, ലാപ്ടോപ്പുകൾ, സ്മാർട്ട് ടി.വികൾ, ഹോം അപ്ലയൻസുകൾ തുടങ്ങി നിരവധി ഉൽപ്പന്നങ്ങൾക്ക് ഓണക്കാലത്ത് പ്രത്യേക വിലക്കിഴിവുകളുണ്ട്.

60 വര്‍ഷങ്ങള്‍ക്ക് ശേഷം സിംഗപ്പൂര്‍ ആസ്ഥാനമായുള്ള ലയണ്‍ ബ്രൂവറി ഇന്ത്യയിലേക്ക് മടങ്ങിയെത്തുന്നു. കോപ്പര്‍ഡ്രോപ്പ് സ്പിരിറ്റ്‌സുമായി സഹകരിച്ച് 'ഐലന്‍ഡ് ലാഗര്‍', 'പേല്‍ എല്‍' എന്നീ രണ്ട് പ്രീമിയം ബിയറുകള്‍ ഡല്‍ഹിയില്‍ അവതരിപ്പിച്ചുകൊണ്ടാണ് കമ്പനി തങ്ങളുടെ തിരിച്ചുവരവ് ആഘോഷിക്കുന്നത്.

ഫ്ലിപ്കാർട്ട് പ്ലസ് അംഗങ്ങൾക്ക് ഇപ്പോൾ സൗജന്യമായി നെറ്റ്ഫ്ലിക്സ് മൊബൈൽ പ്ലാൻ നേടാം. ഒരു മാസത്തിനുള്ളിൽ കുറഞ്ഞത് 299 രൂപയുടെ നാല് ഓർഡറുകൾ പൂർത്തിയാക്കുന്നവർക്കാണ് ഈ ആനുകൂല്യം ലഭിക്കുക. ഫ്ലിപ്കാർട്ട് പ്ലസ് അംഗമല്ലാത്തവർക്കും അംഗത്വം നേടാനാകും.

കഴിഞ്ഞ ഏപ്രില്‍ മുതല്‍ ജൂണ്‍ വരെയുള്ള കാലയളവിൽ ഇന്ത്യയിലെ വിപണി വിഹിതം കുറഞ്ഞതായി കൊക്കോ കോള. പാക്കേജിംഗ് ചെലവുകളിലെ വർദ്ധനവും, സാധാരണക്കാർ വാങ്ങുന്ന 11 രൂപയ്ക്കും 40 രൂപയ്ക്കും ഇടയിലുള്ള വിലയിൽ ഉൽപ്പന്നങ്ങൾ ഇല്ലാത്തതുമാണ് ഇതിന് പ്രധാന കാരണം. ഈ പ്രതിസന്ധി മറികടന്ന് ഉപഭോക്താക്കളെ തിരികെ പിടിക്കാനുള്ള പുതിയ തന്ത്രങ്ങൾ ആവിഷ്കരിക്കുകയാണ് കമ്പനി.

തങ്ങളുടെ കമ്പനിയുടെ ടാല്‍ക്കം പൗഡര്‍ അണ്ഡാശയ അര്‍ബുദത്തിന് കാരണമായെന്നാരോപിച്ചുള്ള കേസുകള്‍ ഒത്തുതീര്‍പ്പാക്കാന്‍ ജോണ്‍സണ്‍ ആന്‍ഡ് ജോണ്‍സണ്‍. പതിനായിരക്കണക്കിന് കേസുകള്‍ ഉള്‍പ്പെടുന്ന ഈ ഒത്തുതീര്‍പ്പ്, പരാതിക്കാരില്‍ 95% പേര്‍ അംഗീകരിച്ചാല്‍ മാത്രമേ നടപ്പിലാകൂ. വര്‍ഷങ്ങളായി തുടരുന്ന നിയമപോരാട്ടങ്ങള്‍ അവസാനിപ്പിക്കാനാണ് നീക്കമെന്ന് കമ്പനി.

അമേരിക്ക-ഇസ്രായേൽ-ഇറാൻ യുദ്ധം ഹോർമുസ് കടലിടുക്ക് വഴിയുള്ള ചരക്കുനീക്കം തടസ്സപ്പെടുത്തിയതോടെ ഇന്ത്യയിൽ ഡയറ്റ് കോക്കിന് കടുത്ത ക്ഷാമം. അലുമിനിയം ക്യാനുകളുടെ വിതരണം നിലച്ചതോടെ കൊക്കകോള വില 10 ശതമാനത്തിലധികം വർദ്ധിപ്പിക്കുകയും വലിയ ക്യാനുകളിൽ ഉൽപ്പന്നം വിപണിയിലെത്തിക്കുകയും ചെയ്തു.

1892 ൽ കൊൽക്കത്തയിൽ ഒരു ചെറിയ സംരംഭമായി ആരംഭിച്ച് ഇന്ന് വാഡിയ ഗ്രൂപ്പിന് കീഴിൽ ഇന്ത്യയിലെ മുൻനിര എഫ്.എം.സി.ജി കമ്പനിയായി മാറിയ ബ്രിട്ടാനിയയുടെ വളർച്ചയുടെ കഥയാണിത്. ഗുഡ് ഡേ, മാരി ഗോൾഡ് തുടങ്ങിയ ജനപ്രിയ ബ്രാൻഡുകളിലൂടെ ഇന്ത്യൻ ബിസ്ക്കറ്റ് വിപണിയിൽ ആധിപത്യം സ്ഥാപിച്ച കമ്പനി, ഡയറി, ബേക്കറി ഉൽപ്പന്നങ്ങളിലേക്കും തങ്ങളുടെ സാമ്രാജ്യം വ്യാപിപ്പിച്ചു.