പ്രവാസി ലോകം: ഗൾഫ് വാർത്തകളും പ്രവാസി ജീവിതവും

സ്വന്തം നാട്ടുകാരനെ തന്ത്രപൂർവം വിളിച്ചുവരുത്തി ക്രൂരമായി കൊലപ്പെടുത്തിയ കേസിൽ യമൻ പൗരനായ അബ്ദു റബ്ബ് സ്വാലിഹ് അൽ ഗശാമിയുടെ വധശിക്ഷ സൗദി അറേബ്യയിൽ നടപ്പാക്കി. വിചാരണക്കോടതിയുടെ വിധി അപ്പീൽ, സുപ്രീം കോടതികൾ ശരിവെച്ചതിനെ തുടർന്നാണ് ശിക്ഷ നടപ്പാക്കിയത്.

റിയാദ് വിമാനത്താവളത്തിൽ ‘സൈലന്‍റ് എയർപോർട്ട്’ പദ്ധതിക്ക് തുടക്കമായി. യാത്രക്കാർക്ക് ശാന്തമായ യാത്രാനുഭവം നൽകുന്നതിനായി പൊതു അറിയിപ്പുകൾ ഒഴിവാക്കി, പകരം ഡിജിറ്റൽ സ്ക്രീനുകളിലൂടെയും മൊബൈൽ ആപ്പുകളിലൂടെയും വിവരങ്ങൾ ലഭ്യമാക്കും. ആദ്യഘട്ടം പ്രാബല്യത്തിൽ വന്നു.

വിവാഹമോചിതരായ കുവൈത്തികളുടെ എണ്ണം 45,000 കടന്നു. ജൂൺ വരെയുള്ള വിവരങ്ങൾ അനുസരിച്ച് വിവാഹമോചിതരായ സ്ത്രീകളുടെ എണ്ണം 27,698-ഉം പുരുഷന്മാരുടെ എണ്ണം 17,405-ഉം ആണ്. 40 മുതൽ 44 വയസ്സ് വരെയുള്ള പ്രായപരിധിയിലാണ് രാജ്യത്ത് ഏറ്റവും കൂടുതൽ വിവാഹമോചിതരുള്ളത്.

കുവൈത്തിൽ 13 വ്യത്യസ്ത കേസുകളിലായി 22 പേരെ ലഹരിമരുന്ന് ഉപയോഗത്തിനും വിൽപ്പനയ്ക്കുമായി പൊലീസ് അറസ്റ്റ് ചെയ്തു. പ്രതികളിൽ നിന്ന് ക്രിസ്റ്റൽ മെത്ത്, ഹെറോയിൻ, കഞ്ചാവ് എന്നിവയുൾപ്പെടെയുള്ള വിവിധതരം മയക്കുമരുന്നുകൾ പിടിച്ചെടുത്തു. രാജ്യത്ത് മയക്കുമരുന്ന് വ്യാപനം തടയുന്നതിനുള്ള സുരക്ഷാ നടപടികളുടെ ഭാഗമായാണ് ഈ അറസ്റ്റ്.

സലാലയിൽ പാരാഗ്ലൈഡിങ്ങിനിടെ അപകടം. സഹോദരനും സഹോദരിക്കും ദാരുണാന്ത്യം. ക്യാപ്റ്റൻ അഹമ്മദ് ബിൻ ഹംദാൻ അൽ കൽബാനിയുടെയും സഹോദരിയുടെയും ആകസ്മിക വേർപാടിൽ ഒമാൻ എയർ സ്‌പോർട്‌സ് കമ്മിറ്റി അനുശോചനം രേഖപ്പെടുത്തി.

രണ്ട് ഇന്ത്യക്കാർക്ക് 20,000 ഡോളർ വീതം സമ്മാനം.

മിഡിൽ ഈസ്റ്റിൽ വർധിച്ചുവരുന്ന സുരക്ഷാ ഭീഷണികളെ തുടർന്ന് എമിറേറ്റ്‌സ്, എത്തിഹാദ്, ഫ്ലൈദുബായ് തുടങ്ങിയ പ്രമുഖ യുഎഇ വിമാനക്കമ്പനികൾ നിരവധി സർവീസുകൾ റദ്ദാക്കുകയും ചിലത് പുനഃക്രമീകരിക്കുകയും ചെയ്തു. യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് സർവീസ് വിവരങ്ങൾ ഉറപ്പുവരുത്താനും നേരത്തെ എത്താനും അധികൃതർ നിർദ്ദേശിച്ചു.

സൗദിയിൽ നിരോധിച്ച ഗുളികകൾ അബദ്ധത്തിൽ ലഗേജിൽ കണ്ടെത്തിയതിനെ തുടർന്ന് ജയിലിലായ ഉത്തർപ്രദേശ് സ്വദേശിക്ക് മലയാളി സാമൂഹിക പ്രവർത്തകൻ തുണയായി. നിരന്തരമായ നിയമപോരാട്ടങ്ങൾക്കൊടുവിൽ നിരപരാധിത്വം കോടതിയെ ബോധ്യപ്പെടുത്തുകയും ശിക്ഷാ നടപടികൾ ഒഴിവാക്കുന്നതിനുള്ള വഴിയൊരുങ്ങുകയും ചെയ്തു.

ഒമാനിലെ വടക്കൻ അൽ ശർഖിയ ഗവർണറേറ്റിലെ വിവിധ വിലായാത്തുകളിൽ ബുധനാഴ്ച ശക്തമായ മഴ ലഭിച്ചു. കനത്ത മഴയെ തുടർന്ന് ഇബ്ര, അൽ മുദൈബി, ബിദിയ തുടങ്ങിയ പ്രദേശങ്ങളിലെ വാദികൾ നിറഞ്ഞൊഴുകുകയും കുത്തൊഴുക്ക് അനുഭവപ്പെടുകയും ചെയ്തു. അധികൃതർ വാഹനമോടിക്കുന്നവർക്കും വാദികളുടെ തീരത്തുള്ളവർക്കും ജാഗ്രതാ നിർദ്ദേശം നൽകിയിട്ടുണ്ട്.

സൗദി അറേബ്യയിൽ ടാക്സി പെർമിറ്റില്ലാതെ സ്വകാര്യ കാറുകളിൽ യാത്രക്കാരെ കയറ്റിയതിന് മൂന്ന് വിദേശികൾക്ക് 35,000 റിയാൽ പിഴ ചുമത്തുകയും നാടുകടത്താൻ ഉത്തരവിടുകയും ചെയ്തു. അനധികൃത സർവീസുകൾ തടയാൻ പരിശോധനകൾ ശക്തമാക്കുമെന്ന് പൊതുഗതാഗത അതോറിറ്റി അറിയിച്ചു. നിയമലംഘകർക്കെതിരെ കർശന നടപടി തുടരുമെന്നും അധികൃതർ മുന്നറിയിപ്പ് നൽകി.