കുട്ടികള്ക്കും യുവാക്കള്ക്കും വില്പന നടത്താൻ കഞ്ചാവ് സൂക്ഷിച്ചു; 21കാരൻ പിടിയിൽ
Synopsis
തൃശൂരിൽ കഞ്ചാവുമായി 21കാരൻ പിടിയിൽ. കനകക്കുന്ന് സ്വദേശി പ്രണവ് ആണ് പിടിയിലായത്. കുട്ടികള്ക്കും യുവാക്കള്ക്കും മറ്റും വില്പന നടത്തുന്നതിനായാണ് കഞ്ചാവ് സൂക്ഷിച്ചിരുന്നത്. 55.45 ഗ്രാം കഞ്ചാവാണ് പിടിച്ചെടുത്തത്.
തൃശൂര്: കുട്ടികള്ക്കും യുവാക്കള്ക്കും മറ്റും വില്പന നടത്തുന്നതിനായി സൂക്ഷിച്ച കഞ്ചാവുമായി ഒരാളെ മാള പൊലീസ് അറസ്റ്റ് ചെയ്തു. മാള കനകക്കുന്ന് സ്വദേശി പള്ളികൂട്ടം വീട്ടില് പ്രണവ് (21) ആണ് അറസ്റ്റിലായത്. മാള കനകക്കുന്ന് റോഡിന് സമീപം നടത്തിയ പരിശോധനയിലാണ് 55.45 ഗ്രാം കഞ്ചാവുമായി പ്രതി പിടിയിലായത്.
കുട്ടികള്ക്ക് കഞ്ചാവ് വില്പനയ്ക്കായി സൂക്ഷിച്ചതിന് എന്ഡിപിഎസ് നിയമത്തിന് പുറമെ ബാലനീതി നിയമത്തിലെ ജാമ്യമില്ലാ വകുപ്പായ സെക്ഷന് 77 കൂടി ചുമത്തിയാണ് പൊലീസ് കേസെടുത്തിട്ടുള്ളത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. മാള പൊലീസ് സ്റ്റേഷന് എസ്ഐ അനില്കുമാര് ഒ പി, ജിഎസ് സിപിഒ ജിജീഷ് എം എസ്, സിപിഒ നിനല്, ഹോംഗാര്ഡ് വിനോദ് പി ടി എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam